Twitter-ում արված ներդրումներն ավելի շահավետ են, քան Facebook-ում, տեղեկացվում է ամերիկյան Resolution հետազոտական ընկերության կողմից ներկայացված զեկույցում, գրում է Gazeta.ru-ն:
Ուսումնասիրությունը հիմնվում է 20 ընկերությունների աշխատանքների վրա, որոնց թվում են Pepsi, FedEx, HP, McDonald’s և այլ խոշոր ընկերություններ: Յուրաքանչյուր ընկերության գովազդի վրա ծախսված գումարների չափը 2013թ. 37 միլիոն դոլար է կազմել: Facebook-ում տեղադրված գովազդի վրա ծախսած գումարների չափը Twitter-ի հետ համեմատած՝ 127% -ով ավելի բարձր է եղել:
Ընդ որում, ընկերությունները զգացել են Twitter-ում ներդրումների արդյունավետությունը:
Ընդհանուր առմամբ, ընկերությունները Twitter-ում գովազդի տեղադրման ծախսերն ավելացրել են 361%-ով, իսկ Facebook-ում ՝ ընդամենը 211%-ով:
