Էնդրյու Բաքայը նամակներով դիմել է Ազգային հետախուզական գործակալությանը և ԱՄՆ Կոնգրեսին:
ԱՄՆ-ում իրազեկիչի փաստաբանը հայտարարել է, որ ԱՄՆ նախագահ Դոնալդ Թրամփի գործողությունները վտանգում են բողոք ներկայացրած հետախուզության աշխատակցի անվտանգությունը, հաղորդում է The Guardian-ը:
Իրավաբան Էնդրյու Բաքայը, որը ներկայացնում է իրազեկիչի շահերը, պնդում է, որ իր հաճախորդի անվտանգությունը վտանգված է, մասամբ Թրամփի պահանջների պատճառով, որը պնդում է, որ բացահայտվի իրազեկիչի ինքնությունը: Բաքայը վստահ է, որ այս դեպքում իրազեկիչին կարող է «վնաս» հասցվել:
Փաստաբանը նշել է նաև Նյու Յորքում, ՄԱԿ-ի Գլխավոր ասամբլեայի ժամանակ, Թրամփի փակ դռների հետևում արված մեկնաբանությունները: ԱՄՆ նախագահի հայտարարությունները հրապարակել են New York Times-ում:
«Ես ուզում եմ իմանալ, թե ով է իրազեկիչին տվել այդ տեղեկատվությունը, քանի որ այն ավելի շատ լրտեսականի է նման: Դուք գիտեք, թե մենք ինչ կանեինք նախկինում, երբ ավելի խելացի էինք: Այդպես չէ՞: Լրտեսների և պետական դավաճանության հետ, ճի՞շտ է, մենք նրանց հետ մի փոքր այլ կերպ կվարվեինք, քան հիմա»,- հայտարարել է Թրամփը:
Փաստաբանի խոսքերով, իրազեկիչի վերաբերյալ Թրամփի տվյալ մեկնաբանությունը «ամենևին չի մեղմացնում մեր հաճախորդի անվտանգության հետ կապված մտահոգությունները»:
