«Ազգային միաբանություն» կուսակցության առաջնորդ Մարին Լը Պենը ներկա չի եղել Ֆրանսիայի նախկին նախագահ Ժակ Շիրակի հիշատակին պաշտոնական արարողությանը։ Այդպես է ցանկացել Շիրակի ընտանիքը, հաղորդում է BFM-ը։
Նշվում է, որ սեպտեմբերի 28-ին Շիրակի հարազատներն իմացել Սեն Սյուլպիս տաճարում արարողությանը ներկայանալու Լը Պենի մտադրության մասին։ Ավելի ուշ նրանք ընդգծել են, որ դա Լը Պենի անձնական իրավունքն է, սակայն իրենք չէին ցանկանա նրան այնտեղ տեսնել։
«Մենք ցավով նշում ենք, որ Շիրակի ընտանիքը հրաժարվել է հարգել հանրապետական սովորույթները, որոնք թույլ են տալիս ֆրանսիացի ժողովրդի կողմից ընտրված բոլոր ներկայացուցիչներին ժամանել նախկին նախագահի հիշատակի արարողությանը»,-որոշմանն արձագանքելով՝ Twitter-ի իր էջում գրել է Լը Պենը։
C’est avec regret que nous prenons acte du refus de la famille Chirac de respecter les usages républicains, en permettant à tous les représentants élus du peuple français de se rendre demain à la cérémonie d’hommage à l’ancien Président. MLP
— Marine Le Pen (@MLP_officiel) September 29, 2019
