Ուկրաինայի նախագահ Վլադիմիր Զելենսկին աջակցել է ԱՄՆ նախագահ Դոնալդ Թրամփի խոսքն այն մասին, որ Գերմանիայի կանցլեր Անգելա Մերկելը քիչ բան է անում Ուկրաինայի համար: Այդպիսով Ուկրաինայի նախագահը վիրավորել է գերմանական կառավարությանը՝ կարծում է Spiegel շաբաթաթերթը:
Նշվում է, որ ոչ ոք հաշվի չի առել Մերկելի ջանքերը Զելենսկու հետ Թրամփի հեռախոսազրույցում:
«Առաջին հերթին հենց Գերմանիայի կանցլերը և այն ժամանակվա արտգործնախարար Շտայնմայերն են ամեն ինչ արել, որպեսզի տարածաշրջանը չվերածվի ռազմական հակամարտության օջախի»,- ընդգծել է Բունդեսթագում Գերմանիայի Սոցիալ-դեմոկրատական կուսակցության խմբակցության ղեկավար Ռոլֆ Մյուտցենիխը:
Ներկա պահին Գերմանիայի հետ հարաբերությունների հավասարակշռությունը փորձում է վերականգնել Գերմանիայում Ուկրաինայի դեսպանը: Նա հայտարարում է, որ Ուկրաինայի նախագահ Վլադիմիր Զելենսկին անձամբ գնահատում է Գերմանիայի կանցլերի անձնական մասնակցությունը:
Այս կոնֆլիկտային իրավիճակի պատասխանատվությունը ընկած է ԱՄՆ-ի վրա: Բունդեսթագի արտաքին քաղաքական հարցերով կոմիտեի ղեկավար Նորբերտ Ռյոտգենի կարծիքով՝ Թրամփի և Զելենսկու խոսակցությունը ցույց է տվել, որ ԱՄՆ նախագահը օգտագործում է իշխանությունը իր անձնական նպատակների համար, մասնավորապես՝ գալիք նախընտրական արշավի: