Business Insider-ը հրապարակել է լավագույն սմարթֆոնների վարկանիշը՝ հաշվի առնելով գնի և սարքի գործառույթների հարաբերակցությունը:
Առաջին տեղում հայտնվել է չինական OnePlus 7T-ը: Ինչպես նշում է Business Insider-ը, այն լավագույնն է 2019թ. Android-սարքերի մեջ, ունի գեղեցիկ դիզայն, գերազանց տեսախցիկ:
Ցուցակում երկրորդը Apple ընկերության iPhone 11-ն է: Այս սմարթֆոնն ունի գերազանց էկրան՝ 6,1-դույմանոց, հզոր պրոցեսոր, ինչպես նաև բարձրակարգ տեսախցիկ:
Երրորդ տեղում OnePlus-ի այլ մոդել է՝ 7 Pro անվանումով: Պարբերականը նշում է, որ այդ սարքը տարբերվում է արդյունավետ պրոցեսորով, լավ տեսախցիկով, ինչպես նաև մատնահետքերի և դեմքի ճանաչման հաղորդիչների գերարագ աշխատանքով:
Վարկանիշում 4-րդ տեղը զբաղեցրել են Google-ի երկու սարքեր՝ Pixel 3a-ն և Pixel 3a XL-ը: Հիգերորոդ տեղում OnePlus-ի ևս մեկ մոդել է՝ 6T-ն: Այս սարքն առանձնանում է սարքի արագ լիցքավորմամբ:
Բացի վերոնշյալ մոդելներից՝ ցուցակում ներառվել են նաև այնպիսի սարքեր, ինչպիսիք են՝ Samsung Galaxy S10e-ն, iPhone XR-ը, Samsung Galaxy Note 10 Plus-ը, Samsung Galaxy S10-ը և Galaxy S10 Plus-ը, նաև՝ iPhone 11 Pro-ն և iPhone 11 Pro Max-ը:
