Նյու Յորքում դիվանագետների հետ զրույցի ընթացքում ԱՄՆ նախագահ Դոնալդ Թրամփը մեղադրել է լրտեսության մեջ մի տեղեկատուի, որը Կոնգրեսին զեկուցել է Ուկրաինայի նախագահ Վլադիմիր Զելենսկու հետ ունեցած իր զրույցի մանրամասների մասին՝ տեղեկացնում է Bloomberg-ը։
«Մենք պատերազմի մեջ ենք: Այդ մարդիկ հիվանդ են: Նրանք հիվանդ են»,- ասել է Թրամփը ամերիկացի դիվանագետների հետ հանդիպման ժամանակ: Գործակալությունն իր տրամադրության տակ ստացել է տեսանյութ այս իրադարձությունից։
«Ես ուզում եմ իմանալ, թե ով է այդ անձը, ով է այդ անձնավորությունը, ով տվյալներ է փոխանցել տեղեկատվուին: Քանի որ դա (նման տվյալներ փոխանցելը) լրտեսության է նման »,- շարունակել է նա:
Գործակալությունը նշում է, որ The Los Angeles Times-ը նաև իր կայքում հրապարակել է զրույցներից հատվածներ աուդիո ձևաչափով:
«Ընդհանրապես, այդ անձը (տեղեկատուն) երբեք չի տեսել զեկույցը (իր աչքերով), նա չի տեսել զանգի պատճենը, նա պարզապես ինչ-որ բան է լսել դրա մասին․ նրանք (արտահոսքի մեջ ներգրավված անձինք) գործնականում լրտեսներ են», – ավելացրել է նա։