Ո՞վ է ասում, որ նոր իշխանությունների օրոք Գիտությունների ազգային ակադեմիան շատ է քննադատվել, կամ որևէ կոնֆլիկտ կա: Այս մասին «Առաջին լրատվական»-ի հետ զրույցում նշեց ԳԱԱ նախագահ Ռադիկ Մարտիրոսյանը:
«Ընդհակառակը, ես գոհ եմ նրանից, որ այս ընթացքում անպտուղ, չհիմնավորված քննադատություն չկա կամ քիչ է»,-ասաց նա:
Հարցին, թե ինչ է փոխվել ԳԱ ակադեմիայում նոր իշխանությունների օրոք, Մարտիրոսյանը պատասխանեց. «1,5 տարի է նոր իշխանությունների հետ աշխատում ենք համատեղ այն ծրագրերով, որոնք ունենք և շարունակում ենք: Հիմա էլ նոր օրենքն է քննարկվում, տեսնենք, թե այդ քննարկումների արդյունքում ինչ տարբերակների կգանք»:
Նա հավելեց, որ միշտ էլ գիտության ֆինանսավորումը շատ վատ է եղել. «Դա հնից է գալիս, միշտ էլ դրա մասին ասվել է: Հիմա էլ հիշեցնում ենք, որ ուշադրություն լինի դրան: Շուտով ԱԺ-ն բյուջեն պետք է քննարկվի, նույնիսկ մի փոքր ավելացումը շոշափելի է մեզ համար: Գիտությունը վտանգի տակ է Հայաստանում»:
