Այո, հունիսին և հուլիսին բյուջեի ծախսերի առումով որոշակի թերակատարում կա, հիմնականում կապիտալ ծախսերի մասով: Այս մասին «Առաջին լրատվական»-ի հետ զրույցում նշեց «Իմ քայլը» խմբակցության պատգամավոր Արտակ Մանուկյանը:
«Ակնհայտ է, որ այլ հավասար պայմանների դեպքում կապիտալ ծախսերի թերակատարումը նշանակում է տնտեսական աճի տեմպերի հնարավոր թուլացում և այլն: Բայց չափազանց կարևոր է հասկանալ, թե այդ կապիտալ ծախսերի նվազումն ինչո վ է պայմանավորված»,-ասաց նա՝ հավելելով, որ կապիտալ ծախսերի հիմնական քաշող ուղղություններից մեկը ճանապարհների շինարարությունն է, որի մասով որևէ խնդիր չկա, դրանք իրականացնում են ողջ ծավալով:
«Գաղտնիք բացահայտած չենք լինի, որ կապիտալ շինարարությունը լի է եղել կոռուպցիոն ռիսկերով և անարդյունավետությամբ: Այսինքն եթե ասենք մեկ կմ ճանապարհի շինարարության համար պետք է հասարակությունը վճարեր X գումար, որը հիմա վճարում է, նախկինում պետք է վճարեր X+Y: Կապիտալ ծախսերի թերակատարումը մի մասով պայմանավորված է նրանով, որ աշխատանքը կատարվում է, բայց դա զերծ է հավելյալ գայթակղություններից, որ որոշակի չինովնիկներ որոշակի շահույթ ստանան»,-ընդգծեց Արտակ Մանուկյանը:
