ՄԱԿ-ի բարձր ամբիոնից վարչապետ Նիկոլ Փաշինյանն իր ելույթում, ի թիվս այլ հարցերի, ղարաբաղյան հակամարտությանը, Հայաստանի ժողովրդավարական ուղուն և թավշյա հեղափոխությանն անդրադառնալուց բացի՝ խոսեց նաև երկրի ժողովրդավարացման ու արդարության հաստատման խոչընդոտների մասին: Թեմայի շուրջ «Առաջին լրատվական»-ի հետ զրույցում հրապարակախոս Հրանտ Տեր-Աբրահամյանը նշեց, որ բարձր հարթակից պատեհ է հնչեցնել այն, ինչը քաղաքական գործիչը կարևոր է համարում և ցանկանում է շեշտել: Տեր-Աբրահամյանի խոսքով՝ պետության ղեկավարի հնչեցրած ուղերձները սովորաբար մտածված են լինում:
Հայաստանում տեղի ունեցող իրադարձությունների շուրջ զրույցում, անդրադառնալով դիտարկմանը, որ աշունը սպասվածից թեժ է, հրապարակախոսը նշեց, որ իր համար թեժ աշունն անակնկալ չէր: «Այս հեղափոխությունն անելով՝ ամբողջ էլիտային «պատերազմ» է հայտարարված, հայտարարված է, որ իրեն սպասվում է արդարադատություն, պատիժ և այլն, ու ակնկալել, որ այդ էլիտան պետք է հանգիստ նստի և սպասի, որ գան իր ետևից՝ արդարադատություն իրականացնելու, իհարկե, միամիտ կլինի»,- նշեց Տեր-Աբրահամյանը՝ հավելելով, որ անշուշտ, իշխանության գործողություններն ազնիվ մղումներով են, բայց թե որքանով են իշխանության գործողությունները ստրատեգիկ իմաստով մտածված, չենք կարող ասել, կան հարցեր, որոնք մինչև վերջ հասկանալի չեն:
«Պետք է արձանագրել, որ այս ամեն ինչի մեջ որոշակիորեն զգացվում է նաև արտաքին ազդեցություն: Գաղտնիք չէ, որ մեր էլիտան բազմաթիվ թելերով կապված է նաև համաշխարհային և տարածաշրջանային էլիտայի հետ, և եթե մի տեղ էլիտային արդարադատության դաշտ բերելու քաղաքականություն են վարում, դա չի կարող հակազդեցություններ չառաջացնել: Դրսից եկող ազդակներ կան՝ կապված այս պրոցեսների հետ,- նշեց Տեր-Աբրահամյանը՝ ընդգծելով, որ այստեղի էլիտաների դիմադրությունը և ինքնավստահությունը որոշ չափով պայմանավորված է նաև արտաքին օգնության հույսով»:
Մանրամասն՝ տեսանյութում:
