Իրանի նախագահ Հասան Ռոհանին հայտարարել է, որ Սպիտակ տան ղեկավար Դոնալդ Թրամփը Նյու Յորքում ՄԱԿ-ի գլխավոր ասամբլեայի շրջանակներում եվրոպական երկրների հետ բանակցությունների ժամանակ առաջարկել է վերացնել Իրանի նկատմամբ կիրառվող բոլոր պատժամիջոցները: Այս մասին ասվում է Իրանի նախագահի կայքում տեղադրված հայտարարության մեջ:
«Բանակցությունների մեկ այլ թեմա էր, թե որ պատժամիջոցները պետք է չեղարկվեն, իսկ ամերիկացիներն ասացին, որ կչեղարկեն բոլոր պատժամիջոցները: Բայց նրանց առաջարկածը մեզ համար ընդունելի տարբերակով չէր»,- աել է Ռոհանին:
Միևնույն ժամանակ, Թրամփը հայտարարել է, որ մերժում է հանդիպման դիմաց պատժամիջոցները չեղարկելու Իրանի առաջարկը:
«Իրանը ցանկանում էր, որ ես չեղյալ հայտարարեմ նրանց նկատմամբ կիրառվող պատժամիջոցները՝ հանդիպման անցկացման դիմաց: Ես ասացի, իհարկե, ոչ,- գրել է Թրամփը Twitter-ում:
Ըստ BBC- ի, Մեծ Բրիտանիան, Ֆրանսիան և Գերմանիան նախազգուշացրել են Իրանին, որ միջուկային համաձայնագրի հետագա խախտման դեպքում ԵՄ անդամները դուրս կգան համաձայնագրից:
Հաղորդվում է, որ երկրները հատուկ ընթացակարգ կսկսեն փաստաթղթի հետագա խախտման դեպքում պայմանագրից դուրս գալու հետ կապված վեճերը լուծելու համար: