Հայաստանի ծանրամարտի հավաքականի մարզիչ Վիգեն Խաչատրյանի կարծիքով՝ գերծանր քաշային հայ ծանրորդները լուրջ մրցակից են աշխարհի չեմպիոնի համար:
«Եթե անկեղծ, մենք մի փոքր ավելին էինք սպասում Գոռից էլ, Ռուբենից էլ: Նրանք մտան պայքարի մեջ և հասկացան, որ թե իրենց իրականում ինչ է հարկավոր, քանի որ հաջորդ տարի Օլիմպիական խաղերն են արդեն: Նրանք արդեն հասկանում են, որ անպարտելի ոչ ոք չկա այս աշխարհում: Լաշան ինքն էլ արդեն զգում է, որ լուրջ մրցակիցներ ունի»,-ասել է Հայաստանի հավաքականի մարզիչ Վիգեն Խաչատրյանը:
Մասնագետի խոսքով` առաջատար վրացի ըմբիշի հետ երկարամարտի տարբերությունը 20 կգ է, որը հաղթահարելի է լավ մարզումների շնորհիվ: «Նրանք այս մրցասպարեզում ցույց տվեցին այն, ինչ մարզումներին չէին անում»,-շեշտեց հավաքական թիմի մարզիչը:
Անդրադառնալով աշխարհի կրկնակի չեմպիոն Սիմոն Մարտիրոսյանի ելույթներին՝ Խաչատրյանը շեշտեց. «Սիմոնի քաշային կարգում, կարծես թե, լուրջ մրցակիցներ ունենք: Շատ զգոն և ուշադիր պետք է լինենք: Շարունակաբար պետք է աշխատի, քանի որ այս քաշերը 2020 թվականի համար ցածր կլինեն»:
