«Եթե նայենք հանդիպումների քանակը և միջոցառումները, հասկանալի կլինի, որ շատ հագեցած այց է եղել, բայց վերջնական գնահատականը դիտարկվելու է այն արդյունքների հիման վրա, որոնց հետևելու են ինչ-որ գործողություններ՝ կախված այս այցից: Եթե տեսնենք, որ կլինի ներգաղթ, կլինեն բիզնես ներդրումներ, եթե տեսնենք՝ մարդիկ մոտեցումները փոխում են Հայաստանի հանդեպ, վստահություն կա, տեսնենք, որ ԱՄՆ-ը պետական մակարդակի վրա կսկսի ավելի բարձր մակարդակի համագործակցություն, եթե տեսնենք արդյունքներ, ուրեմն շատ տեղին այց է եղել»,- «Առաջին լրատվական»-ի հետ զրույցում ասաց «Մարդկային զարգացման միջազգային կենտրոնի նախագահ» Թևան Պողոսյանը՝ անդրադառնալով ՀՀ վարչապետ Նիկոլ Փաշինյանի ԱՄՆ այցին:
Մեր զրուցակիցը, անդրադառնալով ՄԱԿ-ի Գլխավոր ասամբլեայի ամբիոնից ՀՀ վարչապետի ելույթին, ասաց, որ նման ելույթները չեն գրվում միջոցառումից կես րոպե առաջ, գրվում են նախօրոք, բոլորը գիտեն ժամանակը, պետք է հասկանալ՝ ինչն ենք շեշտադրելու: «Ասել՝ ինչպիսին էր ելույթը, արդեն դա է, հիմա պետք է կարողանանք ցանկացած պարագայում և՛ աշխարհին, և՛ ուրիշների հետ մեր հարաբերություններում ներկայացնել ելույթի ամեն կետի կարևորությունը, մեր դիվանագիտությունը պետք է աշխատի, որպեսզի ճիշտ մեկնաբանվի, որովհետև ելույթի ամեն կետը կարելի է մեկնաբանությամբ ներկայացնել, նույնը պետք է անի խորհրդարանական դիվանագիտությունը: Ունենք այս տեքստը, ուրեմն եկեք այն առաջ տանենք»:
Թևան Պողոսյանը նաև ասաց, որ շատ կցանկանար օրերից մի օր այդ ամբիոնից լսել այն գաղափարը, թե ով ենք մենք, ուր ենք գնում և ինչ տեսլական ունենք:
Հարցազրույցն ամբողջությամբ՝ տեսանյութում: