Լեհաստանը կշարունակի Գերմանիայից ռեպարացիաներ պահանջել, քանի դեռ նա չի վճարել ողջ գումարը: Այս մասին հաղորդել է Լեհաստանի ԱԳՆ մամլո ծառայությունը:
Ինչպես նշվում է, խոսքը 850 միլիարդ դոլար ռեպարացիաների մասին է:
Գերատեսչության համաձայն՝ լեհական կողմը ռեպարացիաների մասին հարցը փակված չի համարում, քանի որ Գերմանիան չի փոխհատուցել Երկրորդ համաշխարհային պատերազմի տարիներին պատճառված վնասը:
Ընդ որում, գերմանական ԱԳՆ-ում ընդգծել են, որ տվյալ հարցը լիովին կարգավորված են համարում, չնայած և ընդունում են նացիստների կողմից իրականացված հանցագործությունների պատասխանատվությունը: Այնտեղ նշել են, որ տվյալ թեմայի հետագա քննարկումը միայն էլ ավելի կփչացնի երկու երկրների հարաբերությունները: