Շվեդիայի սոցիալական ծառայությունները կզրուցեն ակտիվիստ Գրետա Թունբերգի ծնողների հետ: Պաշտոնյաներին անհանգստացրել է 16-ամյա աշակերտուհու հոգեվիճակը ՄԱԿ-ի գլխավոր ասամբլեայում շրջակա միջավայրի պահպանության թեմայով նրա ելույթի ընթացքում, հայտնում է Daily Dot պորտալը:
Մասնագետներն ուշադրություն են դարձրել այն փաստի վրա, որ նա չի կարողացել զսպել իր հույզերը բարձր ամբիոնից ելույթի ժամանակ, և ժամանակ առ ժամանակ նրա դեմքին նյարդային տիկ է հայտնվել: Գուցե դա պայմանավորված էր այդպիսի լուրջ լսարանի առաջ ելույթի հետ կապված հուզմունքով: Այնուամենայնիվ, բժիշկները երեխայի վարքագծում մեծ գերլարում են նկատել: Բացի այդ, Գրետան հստակ հայտարարել է «կորցրած մանկության մասին»:
Սոցցանցերում բուռն քննարկումներ են սկսվել շվեդ հրաշամանուկի շուրջ: Որոշ բլոգերներ կարծում են, որ Գրետա Թունբերգի ծնողները պետք է պատասխանատվության ենթարկվեն երեխաների նկատմամբ դաժան վերաբերմունքի համար: Նրանք թույլ են տալիս Ջորջ Սորոսի նման գլոբալիստներին երեխային մանիպուլյացիայի ենթարկել՝ առաջ մղելով շրջակա միջավայրի աղետի մասին գաղափարները:
Մյուս օգտատերերը կարծում են, որ Թունբերգը դարձել է ակտիվ երիտասարդ սերնդի խորհրդանիշ, որը հոգ է տանում իր ապագայի և մոլորակի էկոլոգիական անվտանգության մասին:
