«Իմ ֆիլմը, կարծում եմ, ստացվել է»,- այս մասին «Առաջին լրատվական»-ի հետ զրույցում ասաց ռեժիսոր Էդգար Բաղդասարյանը՝ անդրադառնալով իր «Էրկեն կիշեր» ֆիլմին, որը Վանի բարբառով նշանակում է «Երկար գիշեր»: Ֆիլմը յուրօրինակ ճանապարհորդություն է ժամանակի մեջ՝ մեր օրեր, 1915թ. ցեղասպանության դաժան օրեր, Նարեկացու դարաշրջան: Ռեժիսորը մանրամասներ ներկայացրեց ֆիլմի ստեղծման, գաղափարի ու բովանդակության մասին: Նա նաև նշեց, որ ֆիլմը ներկայացվել է Ազգային կինոակադեմիային. Ազգային կինոակադեմիան 2020 թվականի փետրվարի 9-ին կայանալիք Ամերիկյան կինոակադեմիայի «Օսկար» 92-րդ մրցանակաբաշխությանը «Էրկեն կիշեր» ֆիլմը ներկայացրել է «Լավագույն միջազգային գեղարվեստական կինոնկար» անվանակարգում:
Ռեժիսորի կարծիքով՝ մեր հասարակությանը, բացի քաղաքականությունից ոչինչ չի հետաքրքրում. «Իրականում դա տրագեդիա է, այսպիսի քաղաքականացված հասարակությունը վտանգավոր է, հոգեբանական, էթիկական, ստրատեգիական և շատ այլ վտանգներ կան…»:
Էդգար Բաղդասարյանը՝ նաև ընդգծեց, որ անպատժելիության մթնոլորտը պետք է վերանա, եթե ուզում ենք իրականում արդար հասարակություն ունենալ:
Մանրամասն՝ տեսանյութում: