26 սեպտեմբերի 2019 թ., Երևան. Հայաստանում Beeline-ը տեղեկացնում է, որ այսուհետ Facebook սոցիալական կայքում կգործի նոր առանձին էջ իր կորպորատիվ հաճախորդների համար։ Beeline Business էջն օգտակար կլինի ոչ միայն Beeline-ի գործող կորպորատիվ հաճախորդների համար, այլ նաև կորպորատիվ սեգմենտի առաջարկներով հետաքրքրվող անձանց համար։
Beeline Business էջի բացման նպատակն է կորպորատիվ հաճախորդներին տեղեկացնել նոր ծառայությունների և առաջարկների մասին, կիսվել փորձով և կապ պահպանել վերջիններիս հետ։ Էջը նաև թույլ կտա նոր հաճախորդներին արագ ծանոթանալու բիզնես նոր առաջարկներին։
«Մեզ համար շատ կարևոր է նպաստել բիզնես ոլորտի զարգացմանը Հայաստանում և առավել արդյունավետ, մատչելի և նորարարական ծառայություններ տրամադրել գործարարներին։ Beeline Business էջում դուք կգտնեք ամենաշահավետ առաջարկները Ձեր բիզնեսի համար։ Նաև էջը հնարավորություն կընձեռի օպերատիվ կերպով ստանալ Ձեզ հուզող բոլոր հարցերի պատասխանները»,- նշեց Հայաստանում Beeline-ի գլխավոր տնօրեն Անդրեյ Պյատախինը:
Այս էջի ստեղծմամբ Beeline-ը հարթակ է ստեղծում համախմբելու բիզնես ոլորտի ներկացուցիչներին՝ տեղեկատվության փոխանակումը պարզ, արագ և հարմար դարձնելով։
