Ֆրանսիայի խորհրդարանի ստորին պալատը (Ազգային ժողովը) մեկ րոպե լռությամբ հարգել Է երկրի նախկին նախագահ Ժակ Շիրակի հիշատակը: Շիրակը կյանքից հեռացել Է սեպտեմբերի 26-ի առավոտյան իր հարազատների շրջապատում: Նախկին նախագահն 86 տարեկան Էր:
«Ձեզ խնդրում եմ լռության րոպեով հարգել Ժակ Շիրակի հիշատակը»,- ասել Է Ազգային ժողովի խոսնակ Ռիշար Ֆեռանը:
Ժակ Շիրակը ծնվել Է 1932 թվականի նոյեմբերի 29-ին Փարիզում խոշոր բանկիրի ընտանիքում: Կրթություն Է ստացել Փարիզի պոլիտեխնիկական գիտությունների ինստիտուտում: Շիրակը Ֆրանսիայի նախագահ Է դարձել 1995 թվականին:
Անցնելով իշխանության գլուխ՝ նա անմիջապես մեկնարկ Է տվել ընդգրկուն սոցիալական վերափոխումների: 2002 թվականին Շիրակը վերստին հաղթանակ Է տարել նախագահական ընտրություններում: 2007 թվականի մարտին երկրորդ ժամկետի ավարտից հետո Շիրակն աջակցություն Է ցույց տվել արտաքին գործերի նախկին նախարար Նիկոլա Սարկոզիին, հաղորդել Է ՌԻԱ Նովոստին: