Իսրայելի վարչապետ Բենիամին Նաթանյահուին Է հանձնարարված կազմելու երկրի նոր կառավարությունը: Ինչպես հայտնել Է Reuters-ը, այս որոշումն ընդունել Է երկրի նախագահ Ռեուվեն Ռիվլինը։
«Ինձ համար պարզ Է, որ ներկայում Նաթանյահուն վարչակազմ ձեւավորելու ավելի մեծ շանսեր ունի»,-հայտարարել Է նա լրագրողներին:
Վարչապետը նախագահին հավաստիացրել Է, որ մանդատը կվերադարձնի նրան, եթե չկարողանա նպատակին հասնել սահմանված ժամկետում: Դրա համար նա ունի 28 օր եւ լրացուցիչ երկու շաբաթ ստանալու հնարավորություն:
Նաթանյահուի «Լիկուդ» կուսակցությունը եւ նրան հարող աջամետ կուսակցությունների դաշինքը միագումար ունեն 55 պատգամավորական մանդատ, իսկ նրանց քաղաքական հակառակորդները՝ «Կախոլ Լավան»-ն ու նրա դաշինքը՝ 54 մանդատ:
Ինչպես նշել Է Ռիվլինը, այս հավասարակշռությունն իրականում անհամեմատ ավելի անկայուն Է, քանի որ ձախերի հետ դաշինքում ներկա Է տասը պատգամավոր արաբական կուսակցություններից, որոնք չեն հաստատել կառավարող կոալիցիա կազմելու իրենց համաձայնությունը: Կառավարող կոալիցիա ստեղծելու համար հարկավոր Է ապահովել 61 մանդատ: