Վլադիմիր Զելենսկին և Դոնալդ Թրամփն առաջին անձնական հանդիպումն են անցկացրել, որի ընթացքում Ուկրաինայի և ԱՄՆ-ի նախագահները կատակներ են փոխանակել։
«Նա ինձ առավել հանրաճանաչ դարձրեց, քան ես նրան»,-սկզբում ներկաների մոտ ծիծաղելով ասել է Թրամփը Զելենսկու մասին։
ԱՄՆ նախագահը հավելել է, որ Զելենսկին լավ հեղինակություն ունի և վստահություն հայտնել, որ Ուկրաինայում ամեն ինչ լավ կլինի։
Իր հերթին Զելենսկին ասել է, որ շատ ավելի լավ է «լինել հեռուստացույցով, քան հեռախոսով»։
Հետո Զելենսկին Թրամփին Ուկրաինա է հրավիրել։ Ի պատասխան՝ Թրամփն ասել է, որ «կաշխատի»։ ԱՄՆ նախագահն ասել է, որ շատ ուկրաինացիների է ճանաչում, և «Ուկրաինան լավ պոտենցիալ ունի»։
«Ես գիտե, որովհետև ես այդ երկրից եմ»,-պատասխանել է Զելենսկին՝ կրկին ներկաների ծիծաղը շարժելով։
«Ցանկանում եմ շնորհակալություն հայտնել Ձեզ Վաշինգտոն հրավերի համար։ Դուք ինձ հրավիրեցիք, բայց կարծես թե մոռացաք օրը նշել»,-կատակով հավելել է Զելենսկին։