Անցած շաբաթ ամերիկյան USS George H.W.Bush ավիակրի վրա, որն այժմ գտնվում է Վիրջինիայի ափամերձ շրջանում, երեք նավաստիներ ինքնասպանություն են գործել:
Այս մասին ԱՄՆ ռազմածովային նավատորմը հաղորդել է CNN հեռուստաալիքին:
Սեպտեմբերի 14-ին առաջին կարգի նավաստի Վինսենթ Ֆորլայնին գտել են բազայից դուրս և մահացած ինքնասպանության հետևանքով: Սեպտեմբերի 19-ին, տարբեր վայրերում, հայտնաբերել են հրազենային վնասվածքներից մահացած միջուկային էլեկտրոնիկայի գլխավոր տեխնիկ Ջեյմս Շելթոնին և օդաչու Էթան Ստյուարտին:
Նավատորմում նշել են, որ այդ մահերն, ամենայն հավանականությամբ, միմյանց հետ կապ չունեն, հանգուցյալ նավաստիները աշխատել են տարբեր բաժանմունքներում: Ինքնասպանության այս դեպքերը այժմ հետաքննում են Վիրջինիայի տեղական իշխանությունները և ռազմաովսային քրեական հետախուզության ծառայությունը: