ԱՄՆ նախագահ Դոնալդ Թրամփը խոստացել է ՄԱԿ-ի հետ միասին աշխատել միասեռականության ապաքրեականացման համար եւ աբոտների պետական ֆինանսավորման դեմ, հայտնում է ՌԻԱ Նովոստի-ն։
«Մենք գիտենք, որ ՄԱԿ-ի շատ նախագծեր փորձել են պաշտպանել հարկատուների հաշվին աբորտ անելու իրավունքը, նույնիսկ եթե մոտ է ծննդաբերության ժամանակը։ Աշխարհի բյուրոկրատներին բոլորովին պետք չէ հարձակումների ենթարկել այն երկրներին, որոնք պահպանում են անմեղ կյանքերը։ Ինչպես այսօր այստեղ շատ երկրներ, մենք Ամերիկայում համարում ենք, որ յուրաքանչյուր ծնված եւ չծնված երեխա Աստծո սուրբ պարգեւ է»,- ասել է նա ՄԱԿ ԳԱ նիստում։
Թրամփի խոսքերով, ԱՄՆ-ը պաշտպանում է արժանապատվորեն ապրելու բոլոր մարդկանց իրավունքները։
«Սրա հետ կապված՝ իմ վարչակազմը աշխատում է այլ երկրների հետ, որպեսզի դադարեցվի միասեռականության քրեականացումը։ Մենք համերաշխ ենք այն երկրներում ապրող ԼԳԲՏ ներկայացուցիչների հետ, որտեղ պատժում են, բանտ են նստեցնում կամ մահապատժի են ենթարկում սեռական կողմնորոշման համար»,- հավելել է Թրամփը։
