ԱՄՆ նախագահ Դոնալդ Թրամփը երեքշաբթի օրը՝ սեպտեմբերի 24-ին, ՄԱԿ-ի Գլխավոր ասամբլեայի նստաշրջանում ունեցած ելույթի ժամանակ մեղադրել է Իրանին Սաուդյան Արաբիայում նավթային օբյեկտների վրա հարձակման մեջ:
Ի պատասխան վերջերս Իրանի կողմից սաուդյան նավթային օբյեկտների վրա հարձակման՝ մենք պատժամիջոցների ամենաբարձր մակարդակն ենք կիրառել Իրանի Կենտրոնական բանկի և ինքնիշխան հարստության ֆոնդի նկատմամբ»,- ասել է Թրամփը:
Նա հավելել է, որ պատժամիջոցներին պետք է միանան բոլոր պետությունները: «Ոչ մի պատասխանատու պետություն չպետք է սուբսիդավորի Իրանի արյան ծարավը»,- ասել է նախագահը:
Ավելին, Թրամփը խոստացել է խստացնել պատժամիջոցները՝ ստիպելով Թեհրանին փոխել իր պահվածքը: «Քանի դեռ շարունակվում է Իրանի սպառնալից պահվածքը, պատժամիջոցները խստացվելու են», – ասել է նա: