Իրանի ԱԳ նախարար Մոհամադ Ջավադ Զարիֆը հայտարարել է, որ Ֆրանսիան, Գերմանիան և Մեծ Բրիտանիան չեն կատարում իրենց պարտավորությունները՝ միջուկային համաձայնագրին հետևելու հարցում։ Այս մասին նա գրել է Twitter-ի իր էջում։
Նրա խոսքով՝ այսպես կոչված «եվրաեռյակը» միջուկային գործարքի պարտավորությունները կատարելու հարցում անօգնական է՝ առանց ԱՄՆ-ի հավանության։
Զարիֆը նշել է, որ դա ակնհայտ է 2018-ի մայիսից։
Դիվանագետն ընդգծել է, որ Ֆրանսիան, Գերմանիան և Մեծ Բրիտանիան նմանակում են ԱՄՆ-ին։ Նա հայտարարել է, որ այդ երկրները կրկնում են աբսուրդ պահանջներն ու հարցումները՝ անհամատեղելի ԳՀՀԾ-ի հետ։
