Մի քանի օրից Երևանում սպասվում է ԵԱՏՄ գագաթնաժողովը։ Քանի որ դուք երկար տարիներ զբաղվել եք ԱՊՀ երկրների հետ Հայաստանի հարաբերություններով, ինչպես նաև հայ-ռուսական հարաբերություններով, կարո՞ղ եք ասել՝ ինչ կարևորություն է ներկայացնում այս գագաթնաժողովը․ «Առաջին լրատվական»-ի հարցին Ռուսաստանի Դաշնությունում 1999-2002 թվականներին Հայաստանի արտակարգ և լիազոր դեսպան Սուրեն Սահակյանը պատասխանեց․ «Մենք սկսեցինք աշխատել ԱՊՀ երկրների հետ։ Սակայն այդ կառույցը կամաց-կամաց ի չիք դարձավ։ Ես 1994 թվականից այդ կառույցում Հայաստանի ներկայացուցիչն էի։ Աշխատում էինք Ռուսաստանի կառավարության հետ, բայց հետո այդ կառույցը տեղափոխվեց Մինսկ, և հետագայում այն ի չիք դարձավ։ Ստիպված հետո սկսեցինք նորից վերականգնել տնտեսական կապերը, և ծնվեց Եվրասիական միությունը»։
Ի՞նչ եք կարծում՝ նույնը չի՞ սպառնում այս միությանը․ «Առաջին լրատվական»-ի հարցին Սուրեն Սահակյանը պատասխանեց․ «Ո՛չ, որովհետև այն ժամանակ Ռուսաստանի օլիգարխները մեծ ազդեցություն ունեին կառավարության որոշումների ընդունելու վրա, և անձնական շահը գերիշխում էր պետական շահին։ Հիմա այդպես չի»։
Պատմությունը մեզ ո՞ւր է տանում, այստեղ մենք հարաբերությունների ինչպիսի՞ դինամիկա կարող ենք արձանագրել․ «Առաջին լրատվական»-ի հարցին նախկին դեսպանը պատասխանեց․ «Ճիշտ է, ես արդեն քսան տարի է, ինչ չեմ զբաղվում այդ հարցերով, սակայն իմ կարծիքով՝ դրական։ Ռուսաստանը մեծ շուկա է Հայաստանի համար, բայց սպասելիքները միշտ էլ ավելի շատ են լինում, քան լինում է։ Ռուսաստանը, Բելառուսը և Ղազախստանը ոտքի կանգնող պետություններ են, իսկ աշխարհն այնքան էլ չի ցանկանում, որ նման երկրները շուտ ոտքի կանգնեն»։
Մանրամասները՝ տեսանյութում։
