Պարզվել է, որ 2015 թվականից մինչև 2019 թվականը աշխարհում միջին ջերմաստիճանը ամենաբարձրն է՝ համեմատած օդերևութաբանական դիտարկումների՝ ողջ պատմության ընթացքում հավաքագրված մյուս հինգ տարվա կտրվածքով շրջանում։ Այդ մասին է վկայում Համաշխարհային օդերևութաբանական կազմակերպության (ՀՕԿ) զեկույցը՝ հաղորդում է Deutsche Welle-ը՝ երկուշաբթի, սեպտեմբերի 23-ին:
Զեկույցի համաձայն՝ համաշխարհային միջին ջերմաստիճանը նախարդյունաբերական շրջանի սկզբից աճել է 1,1 Ցելսիուսով և 0,2 աստիճանով` 2011-ից 2015-ի ժամանակահատվածի համեմատ։
ՀՕԿ-ը կարևորել է նաև կլիմայի փոփոխության այլ նշաններ՝ ծովի մակարդակի բարձրացում, սառույցի հալեցում և ծայրահեղ եղանակային իրադարձություններ:
Անցած հինգ տարվա ընթացքում մթնոլորտում ջերմոցային գազերի կոնցենտրացիան նույնպես հասել է ռեկորդային մակարդակի։
Մթնոլորտում ջերմոցային գազերի մակարդակի աճի տեմպը գրեթե 20%-ով ավելի բարձր է, քան նախորդ հինգ տարվա ընթացքում դրանց աճի տեմպը։
«Որպեսզի նախնական արդյունաբերական մակարդակի համեմատությամբ գլոբալ ջերմաստիճանի բարձրացումը 2-ից ավելի աստիճանով դադարեցվի, մեր ձգտումների սանդղակը պետք է եռապատկվի. Աճը 1.5 աստիճանով սահմանափակելու համար անհրաժեշտ է դրանք հինգ անգամ ավելացնել»,- ասել է ՀՕԿ գլխավոր քարտուղար Պետերի Թալասը։