Լուրեր
Վանեցյանը ԿԳԲ-ի ծառան էր․ Սպայի պատիվը կլիներ այն, որ այդ կառույցը պաշպաներ ժողովրդի անվտանգությունը
  • 17:10
  • 2019-09-23
  • Դիտումներ՝ *

«Շատ լուրջ բաներ չեն եղել: Սա հետհեղափոխական շրջանում իշխանության ձևավորման շարունակական գործընթացի մի մասն է: Հասկանալի էր, որ այդ մարդիկ ժամանակավոր էին, և այդ ժամանակը եկավ»,- անդրադառնալով ԱԱԾ տնօրենի և ոստիկանապետի պաշտոնանկություններին՝ «Առաջին լրատվական»-ի հետ զրույցում ասաց մշակութային մարդաբան Աղասի Թադևոսյանը՝ հավելելով, որ առաջին փուլում ուժայինները ձևավորվեցին նախկին համակարգի քիչ թե շատ վստահելի դեմքերի միջոցով:

Մեր զրուցակցի խոսքով՝ Վանեցյանը իշխանության եկավ Նիկոլ Փաշինյանի երաշխավորությամբ. «Նա չի եղել ինքնուրույն դեմք ու հայտնի ժողովրդական կերպար և չի էլ կատարել ժողովրդական հնչեղության կարևոր որևէ գործ: Նա պարզապես ասպարեզում հայտնվեց Նիկոլ Փաշինյանի հեղինակության, խարիզմայի շղարշի տակ և ըստ էության այդ խարիզմայի ազդեցությամբ էլ հեռացավ իշխանությունից, չնայած փորձում է այնպիսի տպավորություն թողնել, թե ինքը չափազանց ինքնուրույն դերակատար է եղել»:

Անդրադառնալով Վանեցյանի հրաժարականի տեքստին և դրան հաջորդած վարչապետի հայտարարությանը՝ Աղասի Թադևոսյանը նշեց. «Թե՛ վարչապետի, թե՛ Վանեցյանի կողմից ուսադիրների հետ կապված այս դրամատիկ հռետորաբանությունը զարգանում է շատ ծիծաղելի տրամաբանությամբ և ուղղությամբ: Մենք այդ ուսադիրների պատիվը անկախ Հայաստանի դեպքում, անկեղծ ասած, չենք տեսել: Պատիվը կլիներ այն, որ այդ կառույցը իրոք պաշտպաներ քաղաքացիների անվտանգությունը»:

Մեր զրուցակցի խոսքով՝ Վանեցյանը եղել է հեղափոխության կողմից կրիմինալ վերնախավ որակված համակարգի ծառան և մեկ օրում դժվար է պատկերացնել, որ ինքը վերափոխվեց, դարձավ ժողովրդին ծառայող հրեշտակ. «Այնպես որ՝ դա ծիծաղելի պաթետիզմ է: Կարծում եմ, որ վարչապետը իզուր է տոն տալիս այդ պաթետիզմին. պետք է պարզապես ժպտալ և անցնել առաջ»:

 

Հարցազրույցն ամբողջությամբ՝ տեսանյութում:

  • Դիտումներ՝ *