Իրանի իշխանություններն ազատ են արձակել բրիտանական Stena Impero լցանավը, որը Հորմուզի նեղուցում կալանվել Էր Իսլամական հեղափոխության պահապանների զորախմբի կողմից (ԻՀՊԶ, Իրանի զինված ուժերի ընտիր ստորաբաժանում): Սեպտեմբերի 23-ին այդ մասին հայտնել Է Sky News Arabia հեռուստաալիքը:
Ինչպես հայտարարել Է Իրանի կառավարության ներկայացուցիչ Ալի Ռաբիին, «բրիտանական լցանավի ազատման իրավաբանական ընթացակարգերն ավարտված են»:
Ըստ որում նա չի հայտնել ստույգ ժամկետը, թե նավթատար նավը երբ կմեկնի Իրանի ափերից:
Հուլիսի 19-ին IRNA գործակալությունը հաղորդել Էր, որ Stena Impero լցանավը՝ բրիտանական դրոշի ներքո Հորմուզի նեղուցում կալանվել Է այն բանից հետո, երբ չի արձագանքել Իսլամական հեղափոխության պահապանների զորակազմի նախազգուշացումներին: Սեպտեմբերի սկզբին Իրանի իշխանությունները լցանավի անձնակազմի յոթ անդամների թույլատրել են հեռանալ Իրանից եւ մեկնել Արաբական Միացյալ Էմիրություններ: Դրանից հետո նավում մնացել են անձնակազմի 16 անդամներ. դա նվազագույնն Է նավի գործառման ապահովման համար ծով դուրս գալու դեպքում, հաղորդել Է ՏԱՍՍ-ը:
