Հարցումը ցույց է տվել, որ ընտրողների զգալի մասը բացասական վերաբերմունք ունի գործող նախագահ հանրապետական Դոնալդ Թրամփի նկատմամբ, բայց նաև կասկածում է դեմոկրատներին, հայտնում է NBC News-ը:
Ինչպես նշվում է, ընտրազանգվածը վստահ չէ դեմոկրատների առավել առաջադիմական քաղաքական առաջարկների հարցում:
Այս առումով ընտրողները կասկածում են, որ Դեմոկրատական կուսակցությունից ԱՄՆ ղեկավարի պաշտոնի թեկնածու Ջո Բայդենը հարմար է այդ դերի համար:
Հարցման համաձայն, ամերիկացիների 46 %-ը հավանություն է տալիս Թրամփի քաղաքականությանը: Միևնույն ժամանակ, ընտրողների 69 %-ը նշել է, որ իրենց ամերիկյան առաջնորդն անձամբ դուր չի գալիս, հարցվածների ևս 50 %-ը նշել են իրենց բացասական վերաբերմունքը նրա և նրա քաղաքական ծրագրի նկատմամբ:
Բացի այդ, ընտրողների 49 %-ին դուր չի գալիս 2020-ին Թրամփի թեկնածությունը նախագահի պաշտոնում, մինչդեռ Բայդենին չի ընդունում ամերիկացիների 33 %-ը:
Ընդհանրապես, ընտրողները կասկածում են ինչպես Թրամփին, այնպես էլ Բայդենին: Այսպիսով, ընտրողների 36 %-ը նշել է, որ վերջին շաբաթների ընթացքում կորցրել է վստահությունը Բայդենի նկատմամբ, նույնքան ամերիկացիներ ավելի քիչ վստահ են դարձել Թրամփի նկատմամբ:
