ՌԴ նախագահ Վլադիմիր Պուտինը ողջունել է լրագրողների «Ամբողջ Ռուսաստանը-2019» փառատոնի հյուրերին և մատնանշել լրատվամիջոցների կարևոր դերը իշխանությունների և քաղաքացիների միջև հարաբերություններում:
«Այսօր լրատվամիջոցները ծառայում են որպես հասարակական վերահսկողության արդյունավետ մեխանիզմ: Ակտիվացնում են քաղաքացիների և իշխանությունների միջև անմիջական առարկայական երկխոսությունը: Եվ ոչ միայն այն դեպքում, երբ արդյունավետորեն քննադատում են նրա ներկայացուցիչներին, այլ նաև օգտակար նախաձեռնությունների կազմակերպիչներ են», – ասվում է Պուտինի շնորհավորական ուղերձում, որը տեղադրված է Կրեմլի կայքում:
Նախագահը նշել է, որ «այդպիսի կառուցողական, պատասխանատու դիրքորոշումը օգնում է տեղական ինքնակառավարման մարմիններին, տարածաշրջանային կառավարման թիմերին՝ առավել արդյունավետորեն լուծել մարդկանց հուզող խնդիրները»:
Բացի այդ, Պուտինը շեշտել է, որ լրատվամիջոցները մեծացնում են բնակիչների սոցիալական և հասարակական նշանակություն ունեցող ծրագրերի իրականացմանը ներգրավվելու հետաքրքրությունն ու ձգտումը: