43-ամյա ռուսաստանցի բալետի պարուհի Անաստասիա Վոլոչկովան որոշել է սոցցանցերի իր բաժանորդներին պատմել իր սննդակարգի, ինչպես նաև այն վարժությունների մասին, որոնց շնորհիվ շիկահերը կարողանում է պահպանել իր սլացիկ կառուցվածքը: Մեծ թատրոնի նախկին մենապարուհին նախօրեին իր Instagram-ում հերթական գրառումն է հրապարակել: Պարուհին խոստովանել է, որ ցանկանում է «Խորհուրդներ և վարժություններ Անաստասիա Վոլոչկովայից» շարք ստեղծել:
«Հարգելի ընկերներ, ինձ մոտ կազմվածքի պահպանման, սննդակարգի, բաղնիքում ճիշտ շոգեհարման, օրգանիզմի վրա սառը ջրի և թթվածնի հրաշալի ազդեցության և այլ հարցերի վերաբերյալ «Խորհուրդներ և վարժություններ Անաստասիա Վոլոչկովայից» շարք ստեղծելու գաղափար է ծնվել:
Ինչպե՞ս եք նայում դրան: Ձեզ համար հետաքրքիր է՞ »,- հարցրել է պարուհին բաժանորդներին:
Սակայն, ոչ բոլորն են աջակցել նրան: Որոշ բժիշկներ, որոնք մեկնաբանություններ են թողել, Անաստասիա Վոլոչկովայի սննդակարգը սարսափելի են համարել: «Այդ ե՞րբ է Նաստյան սննդաբան դարձել: Բժշկությունը սարսափի մեջ է ձեր սննդակարգից»,- գրել է բժիշկներից մեկը: «Արդյո՞ք ձվերից, շպագատից և բաղնիքից բացի այլ բան կա: Այո, թթվածին: Սա ինչ որ նոր բան է: Այստեղ առանց խորհուրդների և վարժությունների հնարավոր չէ»,- գրել է մեկ այլ մեկնաբան:
Այնուամենայնիվ, Վոլոչկովայի գաղափարը ոմանց ոգևորել է: «Դա հիանալի կլիներ: Ես ուրախ կլինեմ օգտվել ձեր խորհուրդներից»,- գրել է երկրպագուներից մեկը: