Բորեյ դասի ռուսական միջուկային սուզանավերից արձակված հրթիռները ունակ են Ամերիկայի Միացյալ Նահանգները «անմարդաբնակ» դարձնել, նույնիսկ եթե մեկ հարվածով ոչնչացվեն Ռուսաստանի այլ միջուկային ուժեր: Այս մասին գրում է National Interest-ը:
Հոդվածում նշվում է, որ սուզանավում գտնվող վեց Ռ-30 Բուլավա հրթիռներից յուրաքանչյուրն իր վրա կրում է 150-կիլոտոն հզորությամբ միջուկային մարտագլխիկ, որն անջատվելով՝ առանձին թիրախներ է ոչնչացնում:
Այսպիսով, Բորեյի մեկ սուզանավ ի վիճակի է ավելի քան 9 հազար կմ հեռավորության վրա գտնվող օբյեկտների վրա տեղալ 72 միջուկային մարտագլխիկ, որոնք տասն անգամ գերազանցում են Հիրոսիմայի վրա ընկած ռումբի ուժը:
Բացի այդ, ռուսական սուզանավի վրա տեղադրված է OKF-650B միջուկային համակարգը, որն անաղմուկ է նույնիսկ 50 հանգույց առավելագույն արագությամբ սուրալիս: Նավերից պաշտպանվելու համար սուզանավի ցռուկում կան ութ 533 մմ-անոց տորպեդային ապարատ և մեկնարկի վեց համակարգ:
Նշվում է, որ Բորեյ դասի երեք սուզանավ արդեն ռուսական նավատորմի մաս են կազմում՝ Յուրի Դոլգորուկին, Ալեքսանդր Նևսկին և Վլադիմիր Մոնոմախը:
Արքայազն Վլադիմիր չորրորդ սուզանավը ծովային փորձարկումներ է անցնում:
