ԱՄՆ նախագահ Դոնալդ Թրամփը Twitter-ում 2019-ին ավելի հաճախ է գրում և ավելի երկար զրույցներ վարում լրագրողների հետ, քան նախորդ տարի: Այդ մասին շաբաթ, սեպտեմբերի 21-ին, հաղորդել է CNN-ը:
Ըստ Factba.se-ի, որը հետևում է Թրամփի հրապարակային հայտարարություններին, ամերիկյան առաջնորդը շաբաթական միջինը 83 թվիթ է տեղադրում, ինչը 43% -ով ավելին է, քան 2018-ին. նախորդ տարի նա հրապարակել է 58 թվիթ:
2017-ին Թրամփը թվիթերում տեղադրել է շաբաթական միջինում 44 գրառում:
ԱՄՆ նախագահը նաև սկսել է ավելի շատ ռեթվիթներ անել: Այսպիսով, նա այս տարի իր էջում միջին հաշվով այլ օգտատերերի 38 հաղորդագրություն է փակցրել: 2018-ին ռեթվիթները 3,3 անգամ պակաս էր՝ շաբաթական ինը:
Բացի այդ, Թրամփը սկսել է լրագրողների հետ ավելի շատ շփվել աշխատանքային այցերից առաջ և հետո: Անցյալ տարի նա լրատվամիջոցների ներկայացուցիչների հետ զրուցել է շուրջ յոթ րոպե և հինգ վայրկյան, իսկ 2019-ին՝ արդեն 12 րոպե 37 վայրկյան:
CNN-ի փոխանցմամբ ՝ Թրամփի գործունեությունը պայմանավորված է նրանով, որ նա «ազատվել է խորհրդականների մեծամասնությունից, որոնք փորձում էին զսպել նրա մղումները»: Օրինակ ՝ Սպիտակ տան աշխատակազմի ղեկավար Ջոն Քելլիից և Պենտագոնի ղեկավար Ջեյմս Մեթիսից։
