Հայաստանցի Սաթենիկ Ղազարյանը իր արտասովոր հիվանդությամբ է տռապում․ ամեն օր աչքերից արցունքների փոխարեն բյուրեղիկներ են թափվում։ Այս մասին հաղորդել է Mir 24 հեռուստաալիքը:
Ինչպես հայտնի է դարձել, 22-ամյա աղջկա մոտ ախտորոշվել է հիվանդություն, որի պատճառով նրա արցունքները կարծրանում են: Նա արդեն բժիշկների հսկողության տակ է և հակաբիոտիկներ է խմում: Այդ օգնությունը, սակայն պարզվել է, ժամանակավոր է:
Հաղորդվում է, որ ամեն օր նա կարող է իր աչքերից հավաքել մինչև 30 բյուրեղ:
Նշվում է, որ մոտ ժամանակներս նախատեսվում է բժիշկների խորհրդակցություն, որը կորոշի աղջկա հետագա բուժման ծրագիրը:
Այժմ բժիշկները կարծում են, որ նա տառապում է ամինաթթուների նյութափոխանակության բնածին խանգարումով, որը կոչվում է ցիստինոզ: