«Հեղափոխությունն անավարտ չի լինում, անավարտ հեղափոխությունից վատ բան չկա,- «Առաջին լրատվական»-ի հետ զրույցում ասաց սոցիոլոգ Գևորգ Պողոսյանը,- շատ գործեր սկսվել և ավարտին չեն հասցվել, շատ ծրագրեր սկզբնավորվել են, բայց ավարտ չեն ունեցել: Ըստ երույթին՝ այդ ամենն ավարտին հասցնելու համար նաև կադրային փոփոխություններ են պետք, որովհետև ցանկացած խոշոր հեղաշրջման, իշխանափոխության համատեքստում ենթադրվում է, որ նոր, ավելի երիտասարդ ուժեր պետք է ներգրավվեն, այսինքն՝ նոր իշխանություն, նոր մարդիկ, նոր դեմքեր: Կարելի էր սպասել, որ այս փուլը գալու էր: Հեղափոխությունը շարունակվում է»:
Գ. Պողոսյանի դիտարկմամբ՝ եթե մի ժամանակ գործում էր «Գնա մեռի, արի սիրեմ» տարբերակը, ապա հիմա ժողովուրդը նախկիններին չի սիրում, և նախկին քաղաքական ուժերը, ի դեմս Ռ. Քոչարյանի և Ս. Սարգսյանի, վարկանիշ չունեն և հիմա շանսեր չունեն վերադառնալու:
«Վարչապետն ուշացնում է կոշտ բարեփոխումները: Այն, ինչ պետք է արվեր, շատ արագ պետք է արվեր»,- նշեց սոցիոլոգը՝ հավելելով, որ դանդաղումը վնասում է և գնալով կոշտ ռեֆորմներ անելը ռիսկային է դառնում: Գ. Պողոսյանի դիտարկմամբ՝ Փաշինյանի վարկանիշի անկումն ակնառու է, բայց հիմնականում ոչ թե վարչապետից, այլ նրա թիմակիցներից են դժգոհում:
«Թավշյա հեղափոխությունից Հայաստանը շահե՞ց, թե՞ ոչ. հարցվողների մեծամասնությունը, պատասխանելով այս հարցին, նշել է՝ այո: Հեղափոխությունից դժգոհություն չկա, դժգոհություն կա դանդաղ ընթացքից, ոչ արհեստավարժ թիմից»,- ընդգծեց սոցիոլոգը:
Մանրամասն՝ տեսանութում:
