Թուրքիայում սկսվել է Bloomberg-ի երկու լրագրողների դեմ դատավարությունը, որոնք մեղադրվում են երկրում «տնտեսական կայունությունը խափանելու» փորձի մեջ։
Խոսքը 2018-ի մի հրապարակման մասին է, թե ինչպես են իշխանությունները և բանկերը արձագանքել երկրում ամենամեծ արժութային ցնցմանը 2001 թ.-ին։
Դատախազը երկու լրագրողների և ևս 36 անձանց համար իբրև պատիժ պահանջել է 2-5 տարվա ազատազրկում։
Մյուս ամբաստանյալներին, որոնք նշված են մեղադրական եզրակացությունում, ներկայացվել են մեղադրանքներ՝ կապված սոցցանցերում մեկնաբանությունների հետ, որոնք համարվել են քննադատական Թուրքիայի տնտեսության և բանկերի հանդեպ։
Bloomberg-ի գլխավոր խմբագիր Ջոն Միքլեթվեյթն ասել է. «Մենք լիովին աջակցում ենք մեր երկու լրագրողներին այսօրվա լսումներում և հետագա բոլոր դատավարություններում։ Նրանց ներկայացվել է մեղադրանք իրադարձությունների ճշգրիտ և օբյեկտիվ լուսաբանման համար։ Մենք ձգտում ենք մամուլի ազատության և հույս ունենք, որ դատական իշխանությունը ճիշտ կվարվի՝ արդարացնելով նրանց»։
Հաջորդ նիստը նշանակված է հունվարի 17-ին։