Կառավարության շենքի դիմաց այս օրերին բավականին լարված մթնոլորտ էր ստեղծվել, բողոքի ակցիա էին իրականացնում խաղաղ պայմաններում զոհված զինծառայողների ծնողները՝ պահանջելով, որ ինչպես Մարտի 1-ին զոհված քաղաքացիների հարազատներն են դրամական աջակցություն ստանալու, այնպես էլ իրենք պետք է ստանան:
«Առաջին լրատվական»-ի հետ զրույցում, անդրադառնալով այս դիտարկմանը, գրող, արձակագիր Արմեն Հայաստանցին ընդգծեց, որ ամենամեծ պահանջը, որ այսօր կա, արդարության վերականգնման պահանջն է: «Ամեն քաղաքացի ինչ-որ չափով զգացել է անարդարություն. պետությունը, որ պետք է լիներ իրեն պաշտպանող, իր ազատություններն ապահովողը, եղել է թշնամական… Հիմա պետությունն ընկել է իր իսկական գծի վրա, և անարդարությունների զոհերն այսօր հնարավորություն են ստանում այս կամ այն կերպ բարձրաձայնել իրենց պահանջը:
Բոլորն են ինչ-որ չափով հալածվել, բայց ամենամեծ տուժողները զոհված զինծառայողներն են ու Մարտի 1-ի զոհերը, որովհետև նրանք կյանքն են կորցրել, և նրանց իրավահաջորդներն ամենամեծ ուշադրությանը պետք է արժանանան, նրանք պետք է փոխհատուցում ստանան,- նշեց գրողը:
Արմեն Երևանցին նաև ընդգծեց, որ արդարության գործընթացը չպետք է սկսվի և ավարտվի գեներալ Մանվելով. «Եթե զինվորի հացն ուտողին դատում են, զինվորի կյանքը վերցնողին էլ պետք է պատասխանատվության ենթարկեն»:
Մանրամասն՝ տեսանյութում:
