Mesa Airlines չվերթի բորտուղեկցորդները հորդորել են չվերթը չեղյալ համարել՝ օդանավում մահմեդական ուղևորների պատճառով: Այդ մասին հայտնում է Newsweek- ը:
Դեպքը տեղի է ունեցել Բիրմինգհեմ (Ալաբամա) – Դալաս (Տեխաս) թռիչքի ժամանակ Աբդերրաոֆ Ալխավալդեհը և Իսսամ Աբդալլահը միմյանց ճաաչել են դեռևս թռիչքից առաջ, քանի որ նույն տեղական իսլամական համայնքից են: Այնուամենայնիվ, այդ օրը նրանք ճանապարհորդել են առանձին-առանձին: Պատահականորեն հանդիպելով ինքնաթիռում՝ նրանք ողջունել են միմյանց և նստել տարբեր տեղերում:
Շուտով անձնակազմը հայտարարել է, որ ինքնաթիռի մեկնումը հետաձգվել է: Սպասելով մեկնելուն՝ Աբդալլահը գնացել է զուգարան: Երբ նա դուրս եկավ զուգարանից, բորտուղեկցորդը կանգնած է եղել դռան մոտ և, ըստ ուղևորի, կարծես թե ականջալուր լիներ, թե ինչ է կատարվում ներսում:
Պարզվել է, որ բորտուղեկցորդին կասկածելի է թվացել այն, որ տղամարդը զուգարանում երկու անգամ է ջուրը քաշել։ Տղամարդուն մոտեցել են իրավապահները և տարել հարցաքննության, նրա հետ տարել են նաև մյուս մահմեդականին։ Այնուհետև նրանց բաց են թողել և թույլ տվել թռչել հաջորդ չվերթով։