Ծորակի ջրի բաղադրությունը տասնյակ հազարավոր քաղցկեղային հիվանդություններ է առաջացրել՝ պարզել է Միացյալ Նահանգների հետազոտական խումբը: Գիտնականների եզրակացությունները հրապարակված են Phys.org պորտալում:
Մասնագետները վերլուծեցին, թե ինչպես են քաղցկեղածին քիմիական նյութերը ավելի քան 48 հազար ջրամատակարարման համակարգերում ազդում մարդու առողջության վրա: Նրանք որոշել են, որ ընդհանուր առմամբ 22 քաղցկեղածին նյութեր կապված են քաղցկեղի զարգացման հետ հարյուր հազար հիվանդների մոտ, ովքեր խմել են այդպիսի ջուր:
«Իրականում մարդիկ ենթարկվում են քիմիական նյութերի համադրությանը, ուստի կարևոր է սկսել վերլուծել մի քանի աղտոտիչների համատեղ ազդեցությունը մարդու առողջության վրա», – ասում է աշխատանքի առաջատար հեղինակ Սիդնեյ Էվանսը:
Ամենամեծ վտանգը մկնդեղի, ուրանի, ռադիումի, ինչպես նաև ախտահանման կողմնակի մթերքների աղտոտվածությունն է: Սովորաբար ջրամատակարարման նման համակարգերը սպասարկում են փոքր բնակավայրեր, և դրանց մաքրությունը կախված է ստորերկրյա ջրերից:
Ըստ հետազոտողների՝ ծորակի ջրի մեջ քիմիական նյութերի պատճառով քաղցկեղի ռիսկը երկու անգամ ավելի մեծ է, քան միլիոնից մեկի մոտ քաղցկեղի զարգացման նվազագույն ռիսկը:
