Ուելսի Միլֆորդ-Հեյվեն քաղաքի բնակչուհին տարօրինակ հոլովակ է հրապարակել: Վախեցած կինն այդ կերպ փորձել է հստակեցնել իրավիճակը:
Փողոցում տեղադրված հսկողության տեսախցիկի ֆիքսած կադրերում ուրվականի պատկեր է երևում: Մշուշոտ ուրվագիծը հայտնվում է անմիջապես լամպի սյան ետևից և դանդաղ թափառում հեռավորության վրա՝ աստիճանաբար ասես լուծվելով օդում: Բրիտանուհի Էն Օլսթոնը տեղադրել է տեսանյութը և նշել, որ այս ուրվականը առաջին անգամ չէ, որ հայտնվել է այդտեղ, ուղղակի նախկինում չի հայտնվել տեսանյութում:
Հոլովակին ուշադրություն է դարձրել Disclose Screen The Grimreefar YouTube-ալիքը, նշում է Daily Star-ը: Ցանցի օգտատերերը ենթադրություններ են արել այն մասին, թե ինչ կարող է լինել դա: Եվ ինչպես միշտ նրանք բաժանվել են թերահավատների, որոնք հոլովակը ֆեյք են համարել, և նրանց, ովքեր իսկապես տպավորվել են և վախեցել տեսածից: Օգտատերերը կարծիք են հայտնել, որ դա կարող է մահացած մարդու ուրվական լինել կամ նույնիսկ «այլմոլորակայինների հնարքներից»: