Ամերիկացի հայտնի դերասանուհի Դեմի Մուրը, որին ավելի վաղ կասկածում էին կին դիզայների հետ կապի մեջ, հրապարակավ բացահայտել է Էշթոն Քաթչերի հետ ամուսնության կյանքի սկանդալային մանրամասները:
Հոլիվուդյան գեղեցկուհին «Inside Out» վերնագրով իր հուշերում նախկին ամուսնուն՝ Էշթոն Քաթչերին, մեղադրել է երկու անգամ իրեն դավաճանելու և երեքով՝ ևս մեկ այլ կնոջ հետ, սեռական հարաբերությունների դրդելու մեջ: Այժմ հուշերը միայն ներկայացվել են և չեն թողարկվել, բայց Radar Online պարբերականը ինքնակենսագրականից հատվածներ է հրապարակել:
«Ես ուզում էի նրան ցույց տալ, թե որքան կենսուրախ կարող եմ ես լինել, բայց երեքով սեքսը՝ դա արդեն չափից դուրս էր»,- գրել է 56-ամյա դերասանուհին:
Մուրի խոսքերով, խմբակային սեքսից հրաժարվելուց անմիջապես հետո Էշթոնը նրան դավաճանել է իրենց ամուսնական անկողնում՝ Բրիթնի Ջոնս անունով մի երիտասարդ աղջկա հետ: Նրանից հետո դերասանը ևս մեկ այլ սիրուհի է ունեցել:
«Իրեն արդարացնելու համար Էշթոնն ասաց, որ այս ամենը տեղի է ունեցել այն պատճառով, որ մենք օտար մարդու ենք ներգրավել մեր հարաբերությունների մեջ, ինչը որոշ չափով ջնջել է սահմանները»,- ասել է դերասանուհին:
Զույգը պաշտոնապես ամուսնացած է եղել 6 տարի: Դերասանուհու խոսքերով, այդ ընթացքում նա հղիության վեցերորդ ամսում վիժում է ունեցել, ինչից հետո հայտնվել է ընկճախտի մեջ, սկսել է չարաշահել ալկոհոլը և ուժեղ ցավազրկողները:
