Լուրեր
Շարմազանովն ու Աշոտյանը, որ Նիկոլին քննադատում են, չեն ամաչո՞ւմ․ Ռազմիկ Մանսուրյան
  • 21:20
  • 2019-09-20
  • Դիտումներ՝ *

Սեպտեմբերի 22-ին ՀՀ վարչապետ Նիկոլ Փաշինյանը Լոս Անջելեսի «Գրանդ պարկ»-ում հանրահավաքի ընթացքում ելույթ կունենա հայկական համայնքի համար: ԱՄՆ-ում գտնվող «Առաջին լրատվական»-ը հայկական համայնքի սպասումների ու ակնկալիքների մասին զրուցել է երգիչ, դերասան Ռազմիկ Մանսուրյանի հետ:

«Հավատալով պարոն Փաշինյանի գաղափարներին, մեր Հայաստանի ապագա զարգացմանը՝ ժողովուրդը սպասում է Փաշինյանին, սիրում է Նիկոլին Փաշինյան, որովհետև անձամբ ես նրա մեջ շատ բարի, մարդկային բան եմ տեսնում»:

Մեր զրուցակիցը նշեց, որ ինքը շատ է հանդիպել մեր նախկին ղեկավարներին. «Փաշինյանը պայքարող, իր խոսքի տեր, ժողովրդի մասին մտածող անձնավորություն է: Երբեք որևէ ղեկավար ինձ չի մոտեցել, իսկ Փաշինյանն ասաց, որ հետևում է ինձ՝ որպես արվեստագետ: Դա ինձ համար այնքան գնահատելի էր»:

Ռազմիկ Մանսուրյանը անցողիկ է համարում տեղի ունեցող ցույցերը. «Երբ մարդիկ հասկանան, որ այս ամենը արվում է իրենց ապագայի համար… Էս 30 տարվա մեջ ոչ մեկի ձեն-ծպտունը դուրս չի եկել: Բա հիմա որ մարդիկ իրար հետ հանգիստ զրուցում են՝ դա նվաճում չէ՞»:

Մեր զրուցակիցը ընդգծեց, որ տեղի ունենալիք հանրահավաքից իր սպասումն այն է, որ ժողովուրդը Նիկոլին ավելի շատ կսիրի. «Կարևորը, որ կուշտ է»:

 

Հարցազրույցն ամբողջությամբ՝ տեսանյութում:

  • Դիտումներ՝ *