Միացյալ Նահանգներում Դելտա ինքնաթիռը, որը թռչում էր Ատլանտայից Ֆորտ Լաուդերդեյլ, կտրուկ կորցրել է բարձրությունը՝ ընկնելով գրեթե 9 կմ: Այդ մասին հայտնում է CNN- ը:
Ավիաընկերության պաշտոնական հայտարարության մեջ ասվում է, որ արտակարգ իրավիճակն առաջացել է «սրահի հերմետիկության խախտման» պատճառով: Ինքնաթիռին հաջողվել է ապահով վայրէջք կատարել Թամփայի օդանավակայանում՝ այդպես էլ չհասնելով իր նպատակակետին:
«Թթվածնի դիմակները ընկել են սրահում, և ինքնաթիռում քաոս է սկսվել», – ասում է թռիչքի ուղևորներից մեկը:
Նա ասել է, որ բորտուղեկցորդները մի քանի անգամ ուղևորներին խնդրել են խուճապի չմատնվել, բայց դա չի օգնել: Նույնիսկ ինքնաթիռում գտնվող ուղևորներից մեկը գրկել իր ընտանիքին և ասել, որ սիրում է բոլորին:
Անկումը տևել է 60-90 վայրկյան: