Կուբայի ԱԳ նախարար Բրունո Ռոդրիգեսը դատապարտել է ԱՄՆ-ից երկրի դիվանագետների արտաքսումը, որոնք աշխատել են ՄԱԿ-ում։ Այս մասին ԱԳ նախարարը գրել է Twitter-ի իր էջում։
«Ես կտրականապես դատապարտում եմ ՄԱԿ-ում Կուբայի առաքելության երկու աշխատակցի արտաքսումը և դիվանագետների ու նրանց ընտանիքների տեղաշարժի սահմանափակման խստացումը։ Կոպիտ զրպարտություն է այն, որ նրանք դիվանագիտական կարգավիճակի հետ չհամընկնող գործողություններ են կատարել»,-հայտարարել է նախարարը։
Նա ընդգծել է, որ երկու դիվանագետի արտաքսումը «հակամարտություն հրահրելու նպատակ է հետապնդում, որը կարող է հանգեցնել երկու կողմից դեսպանությունների փակմանը, էլ ավելի կոշտացնել արգելափակումը և երկու երկրների միջև լարվածություն ստեղծել»։