ԱՄՆ իշխանությունները երկրից կարտաքսեն ՄԱԿ-ին կից Կուբայի մշտական ներկայացուցիչներին։ Այս մասին Twitter-ի իր էջում գրել է պետքարտուղարության մամուլի ծառայության ղեկավար Մորգան Օրտեգուսը։
«Այն բանից հետո, երբ Կուբայի մշտական ներկայացուցչության երկու աշխատակից զբաղվեցին ԱՄՆ-ի ազգային անվտանգությանը վնասող գործունեությամբ, մենք նրանց խնդրեցինք լքել ՄԱԿ-ին կից Կուբայի դիվանագիտական առաքելությունը, նրանց նաև սահմանափակել են Մանհեթենում լինելու հարցում»,-նշել է Օրտեգուսը։
Նրա խոսքով՝ Վաշինգտոնը «լրջորեն է ընդունում ԱՄՆ ազգային անվտանգության նկատմամբ բոլոր ոտնձգությունները»։