Սեպտեմբերի 20-ին Երևանի ընդհանուր իրավասության դատարանը հրապարակելու է Մարտի 1-ի գործով առանցքային մեղադրյալ Ռոբերտ Քոչարյանի խափանման միջոցը գրավով փոխելու միջնորդության վերաբերյալ որոշումը։ Մինչ այդ Ռոբերտ Քոչարյանի պաշտպանները դատարան միջնորդություն էին ներկայացրել Սահմանադրական դատարանի որոշման հիմքով նրա խափանման միջոցը փոխելու վերաբերյալ։ Դատարանը որոշեց, որ հիմքեր չկան, և նա պետք է շարունակի կալանքի տակ մնալ։
Ի՞նչ սպասելիքներ ունեք այս հաջորդ փորձից․ «Առաջին լրատվական»-ի հարցին հաղորդակցության ոլորտի մասնագետ Արամազդ Ղալամքարյանը պատասխանեց․ «Անակնկալ չէ։ Պաշտպանվող կողմի փորձերը շարունակվելու են։ Բնականաբար, ակնկալիքս այն է, որ մնալու է այնպես, ինչպես կա այսօր։ Այսինքն՝ վերջին քսան տարվա գլխավոր հանցագործը կմնա բանտում»։
Մարտի 1-ի գործով առանցքային մեղադրյալ Ռոբերտ Քոչարյանը դատական նիստի ժամանակ անուններ է հնչեցրել, թե ում հետ է խորհրդակցել 2008 թվականի մարտի 1-ին արտակարգ դրություն մտցնելու համար։ Նրանք են՝ Ազգային ժողովի նախկին նախագահ Տիգրան Թորոսյանը, այն ժամանակվա վարչապետ Սերժ Սարգսյանը, նախկին ոստիկանապետ Հայկ Հարությունյանը, ինչպես նաև Արմեն Գևորգյանը, որն այսօր Մարտի 1-ի գործով մեղադրյալ է անցնում։ Ռոբերտ Քոչարյանը, նշելով անունները, ակնարկում է, որ այս մարդիկ և՞ս պետք է ներգրավված լինեն Մարտի 1-ի գործով․ «Առաջին լրատվական»-ի հարցին Արտավազդ Ղալամքարյանը պատասխանեց․ «Մի քանի դիտանկյուն կա, որտեղից կարելի է դիտել այս հարցը։ Առաջինը՝ ֆորմալ առումով՝ այո, ինքը պետք է խորհրդակցեր, և մենք հիշում ենք այդ խորհրդակցությունը։ Մյուս կողմից՝ ոչ ֆորմալ՝ ինքն ո՞ւմ հետ է խորհրդակցել։ Կարծում եմ՝ հասարակությունն ունի իր ենթադրությունները, թե իրականում նա ում հետ է իսկապես խորհրդակցել, և հաստատ, այս անունները նրանց մեջ չեն։ Կարծում եմ՝ դրանք եղել են երկրից դուրս որոշ ուժեր։ Ինչ վերաբերում է այս խմբին։ Բնական է, որ այս խումբը ոչինչ չէր որոշում, որոշում կայացնողը Քոչարյանն էր։ Այժմ նա լինելով ճաղերի հետևում, խուսափում է պատասխանատվությունից և փորձում է ինչքան հնարավոր է շատ մարդ իր հետ ջրի տակ տանել։ Դա շատ վախկոտ մարդու պահվածք է»։
Մանրամասները՝ տեսանյութում։
