Սահմանադրական դատարանի դատավորի (անդամի) լիազորությունները դադարեցնելու հարցով առկա է բավականին լայն իրավական ընթացակարգ: Փորձեմ հնարավորինս հանրամատչելի ու պարզ ներկայցնել քայլերի ու գործողությունների շղթան: ‼️Եվ ուրեմն`
⚠️Քայլ 1. համաձայն «Ազգային ժողովի կանոնակարգ» սահմանադրական օրենքի 109-րդ հոդվածի 3-րդ կետի անհրաժեշտ է, որպեսզի Ազգային ժողովի Նախագահին որոշման նախագիծ ներկայացնի խմբակցությունը:
⚠️Քայլ 2. ԱԺ նախագահը մակագրում է նախագիծը ԱԺ համապատասխան գլխադասային հանձնաժողովի (տվյալ դեպքում Պետաիրավական մշտական հանձնաժողով), որպեսզի այդ հանձնաժողովը ներկայացնի եզրակացություն (դրական կամ բացասական): Հանձնաժողովում եզրակացություն ստանալու կարգը նույն է, ինչ այլ օրենսդրական նախագծերի ժամանակ:
⚠️Քայլ 3. Եզրակացությունը ստանալուց կամ եզրակացությունը ներկայացնելու ժամկետը լրանալուց հետո նախագիծը քննարկվում է Ազգային ժողովի առաջիկա հերթական նիստերում:
⚠️Քայլ 4. Ազգային ժողովի նիստում հարցի քննարկման ընթացքում ՍԴ դատավորն/անդամն իրավունք ունի գլխադասային հանձնաժողովի ներկայացուցչից հետո ելույթ ունենալու, պատասխանելու պատգամավորների հարցերին, ինչպես նաև հանդես գալու եզրափակիչ ելույթով:
Եթե գործով ներգրավված անձը ինչ-ինչ պատճառներով չի մասնակցում ԱԺ նիստին, ապա հարցը քննարկվում է առանց նրա մասնակցության:
⚠️Քայլ 5. Նախագծի քննարկումից հետո տեղի է ունենում գաղտնի քվեարկություն, և Ազգային ժողովն որոշումն ընդունում է պատգամավորների ընդհանուր թվի ձայների առնվազն երեք հինգերորդով:
⚠️Քայլ 6. Ազգային ժողովի նախագահը ՍԴ դիմելու մասին Ազգային ժողովի որոշումն ստորագրում և հրապարակում է անհապաղ:
Այս քայլերից հետո, արդեն հերթը Սահմանադրական դատարանինն է: ⁉️Մասնավորապես.
⚠️Քայլ 7. Տվյալ դիմումի մուտքագրման օրվանից ոչ ավելի քան 30 օր հետո ՍԴ ընդունում է հետևյալ որոշումներից որևէ մեկը. 1) ՍԴ դատավորի լիազորությունները դադարեցնելու մասին կամ 2) ԱԺ դիմումը մերժելու մասին։ Վերոնշյալ 30-օրյա ժամկետը կարող է երկարաձգվել, բայց ոչ ավելի, քան 50 օրով` հիմնվելով բացառապես ՍԴ պատճառաբանված աշխատակարգային որոշմամբ
‼️‼️Ի գիտություն` դիմումը քննության ընդունելու պահից ՍԴ տվյալ դատավորի (անդամի) լիազորությունները կասեցվում են մինչեւ սույն դատաքննության ավարտը: Լիազորությունների կասեցման ողջ ընթացքում տվյալ դատավորը շարունակում է ստանալ իր վարձատրությունը (աշխատավարձ), իսկ բուն դատավարության ընթացքում նա ներգրավվում է բացառապես որպես պատասխանող կողմ և օգտվում դատավարության կողմի` սույն օրենքով նախատեսված իրավունքներից և կրում նրա պարտականությունները, այսինքն չի մասնակցում ՍԴ որոշման կայացմանը խորհրդակցական սենյակում: Գործով դիմող կողմն Ազգային ժողովն է: Նման գործերի դատաքննությունը ՍԴ իրականացվում է բանավոր և բաց ընթացակարգով:
