Նույնիսկ մեկ շաբաթ էլ չի անցել, ինչ արքայազն Հարիի կինը՝ Մեգան Մարքլը դուրս է եկել դեկրետային արձակուրդից, բայց Սասեքսի դքսուհին որոշել է հանգստյան օր կազմակերպել իր ամենամտերիմների՝ ամուսնու և որդու՝ Արչի Հարիսոնի շրջապատում: Մեգանի, Հարիի և նրանց երեխայի ժամանցի վայրը լոնդոնյան փաբն էր:
Ըստ երևույթին, թագավորական զույգը հոգնել է պաշտոնական այցերից և ընթրիքներից: Այժմ նրանք ցանկանում են ժամանակ անցկացնել սովորական բրիտանացիների նման: Բայց թագավորական զույգի երկրպագուների համար տարօրինակ էր, որ նրանք իրենց հետ էին վերցրել չորս ամսական Արչիին: Արքայական ընտանիքին ուղեկցում էին թիկնապահներ ու ոստիկաններ, որոնք հերթապահում էին փաբի մոտ: TMZ պարբերականի Twitter-ի էջում հրապարակվել է մի լուսանկար, որտեղ արքայազն Հարին կնոջ՝ Մեգան Մարքլի հետ, երեխայի օրորոցը ձեռքին, լքում են The Rose&Crown հաստատությունը Վինձորում:
Ականատեսների խոսքերով, փաբում գահի փոքրիկ ժառանգորդը իրեն շատ հանգիստ է պահել: Արչին միայն մի փոքր դժգոհել է, երբ Մեգանը փոխել է նրա տակդիրը: