Ես՝ Գոհար Սերգեյի Խաչատրյանս, 2015 թվականի սեպտեմբերի 25-ին «Առաջին լրատվական» կայքում տեսանյութի միջոցով հանդես եմ եկել ահազանգով՝ հետևյալ վերնագրով՝ «Որդուս պառկեցրել, նկարել են ու շանտաժով ամուսնացրել անբարոյականի հետ»։ Դատարանը պարտավորեցրել է հրապարակային ներողություն խնդրել Վիկտորյա Մարատի Վարդանյանից. «Ես ներողություն եմ խնդրում նրանից, քանի որ արատավորել եմ վերջինիս պատիվն ու արժանապատվությունը»:
Հիշեցնենք, որ դատարանը պարտավորեցրել է Գոհար Խաչատրյանին հրապարակայնորեն ներողություն խնդրել Վիկտորյա Մարատի Վարդանյանից 1in.am կայքի միջոցով հերքել Գոհար Խաչատրյանի կողմից Վիկտորյա Մարատի Վարդանյանի պատիվն ու արժանապատվությունն արատավորող փաստական հանգամանքները և նույն կայքի միջոցով հրապարակել դատարանի վճռի եզրափակիչ մասը: Գոհար Խաչատրյանից հօգուտ Վիկտորյա Վարդանյանի բռնագանձել 100 հազար ՀՀ դրամ որպես վիրավորանքի, 100 հազար ՀՀ դրամ որպես զրպարտության միջոցով Վիկտորյա Մարատի Վարդանյանի պատիվը և արժանապատվությունն արատավորելու համար փոխհատուցման գումար և 100 հազար ՀՀ դրամ որպես փաստաբանական ծառայության գումար: