Փարիզում փորձարկում են «թռչող տաքսիների» ծառայությունը՝ աղտոտման և հասարակական տրանսպորտի հետ կապված խնդիրների պատճառով, հայտնում է Euronews-ը:
Տրանսպորտն աշխատում է էլեկտրականությամբ և կտեղաշարժվի Սեն գետի վրայով: Այն արժե մոտ 200 000 եվրո և զարգացնում է մինչև 34 կմ/ժամ արագություն: Նշվում է, որ Փարիզում Bubble փորձնական թռիչքները սահմանափակվում են 30 կմ/ժամ առավելագույն արագությամբ:
Նման ծառայությունը կարող է գործարկվել արդեն հաջորդ գարնանը: Seabubbles-ի կողմից ստեղծված տրանսպորտի քառօրյա փորձարկումը Սեն գետի վրա մեկնարկել է երկուշաբթի օրը:
Փարիզն ունի աշխարհի ամենախիտ քաղաքային տրանսպորտային ցանցերից մեկը: 2016-ին քաղաքում ավելի քան 4.7 միլիարդ ուղևորություն է կատարվել հասարակական տրանսպորտով:
