Facebook ընկերությունն աշխատում է խելացի ակնոցների վրա, որոնք ապագայում կարող են փոխարինել սմարթֆոններին, հաղորդում է CNBC- ն:
Նախագիծը կրում է Orion պայմանական անվանումը, դրա վրա աշխատում է Facebook Reality Labs հատուկ ստորաբաժանումը:
Ենթադրվում է, որ ակնոցները պետք է փոխարինեն սմարթֆոններին. դրանց օգնությամբ օգտվողները կկարողանան զանգեր, տեղեկություններ ստանալ ոչ մեծ էկրանին և ուղիղ հեռարձակումներ իրականացնել սոցցանցերում:
Նշվում է, որ Facebook-ն ակնոցների վրա աշխատում է վերջին մի քանի տարիներին, բայց այժմ խնդիրներ են առաջացել:
Դժվարություններից մեկը սարքի չափերի կրճատումն է այն սպառողների համար գրավիչ և հարմար դարձնելու նպատակով: Այդ պատճառով սոցցանցը համագործակցում է իտալական Luxottica ընկերության հետ, որը մասնագիտացած է ակնոցների դիզայնի մեջ:
Facebook-ը ակնկալում է ավարտել աշխատանքները և սարքը ներկայացնել 2023-2025 թթ. ժամանակահատվածում: Միևնույն ժամանակ, երաշխիքներ չկան, որ աշխատանքը ժամանակին կավարտվի, գրում է CNBC-ը:
